site
stats
پاکستان

کراچی : سیکیورٹی اداروں کی کاروائی، لیاری گینگ وار کا اہم ملزم گرفتار

Karachi

کراچی: شہرِ قائد میں سیکیورٹی اداروں کی کاروائیاں جاری ہیں، لیاقت آباد سے لیاری گینگ وار کا اہم ملزم گرفتار کرلیا گیا ہے جبکہ
فائرنگ اور پرتشدد واقعات میں 4افراد جاں بحق اور دو زخمی ہوگئے۔

تفصیلات کے مطابق کراچی کے علاقے لیاقت آباد بلوچ پاڑہ میں قانون نافذ کرنے والے اداروں نے رات گئے کارروائی کرتے ہوئے لیاری گینگ وارکا اہم ملزم گرفتار کرلیا۔

ذرائع کے مطابق ملزم پولیس پر حملوں اوربھتہ خوری کے مقدمات میں مطلوب تھا، عوامی کالونی پولیس نے کورنگی میں کارروائی کرتے ہوئےموٹر سائیکل چور گرفتار کرلیا، ملزم موٹرسائیکلیں چوری کرکے بلوچستان میں فروخت کرتا تھا۔

دوسری جانب کراچی کے مختلف علاقوں میں فائرنگ اور پرتشدد واقعات میں چار افراد جاں بحق اور دو زخمی ہوگئے۔

پولیس کے مطابق کراچی کے علاقے مچھر کالونی میں نامعلوم افراد نے گھر میں گھس کرفائرنگ کردی، جس کے نتیجے میں 20 سالہ آمنہ جاں بحق ہوگئی جبکہ فیڈرل بی ایریا واٹر پمپ کے قریب مسافر کوچ میں دوران ڈکیتی مزاحمت پر فائرنگ سے کنڈکٹر35 سالہ لیاقت علی جاں بحق ہوگیا۔

ماڑی پور ٹرک اڈہ کے قریب نالے سے چار دن پرانی ڈوبی ہوئی لاش برآمد ہوئی، جسے ضابطے کی کارروائی کیلئے اسپتال منتقل کیا گیا، لیاری چاکیواڑہ میں نامعلوم موٹرسائیکل سواروں کی فائرنگ سے سے 35 سالہ اختر جاں بحق ہوگیا۔

نارتھ ناظم آباد بلاک جے میں دوران ڈکیتی مزاحمت پر 30 سالہ سلمان صدیقی زخمی ہوگیا، لانڈھی داؤد چورنگی کے قریب فائرنگ سے پولیس اہلکار زخمی ہوگیا، جس کی شناخت 24 سالہ محمد صفیان کے نام سے ہوئی ہے، مواچھ گوٹھ میں بھی مسافر بس کو لوٹ لیاگیا، مسلح افراد نے بس میں داخل ہوکر تمام مسافروں کو لوٹا اور فرار ہوگئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top