کراچی میں گرین اور اورنج لائن سے سفر کرنے والوں کے لیے خوشخبری آگئی۔
سینئر وزیر شرجیل انعام میمن کی زیر صدارت محکمہ ٹرانسپورٹ و ماس ٹرانزٹ کا اجلاس ہوا جس میں مختلف منصوبوں پر پیش رفت اور روڈ سیفٹی سے متعلق حکومتی اقدامات کا جائزہ لیا گیا۔
شرجیل میمن نے کہا کہ کوشش ہے کہ عوام کو سستی، ماحول دوست اور بااعتماد سفری سہولیات مہیا کی جائیں، سندھ بھر میں کمرشل گاڑیوں کے معائنے کے لیے 10 ایم وی آئی سینٹرز قائم کیے جارہے ہیں۔
انہوں نے کہا کہ جون میں 34 مئی الیکٹرک بسیں اور 5 ڈبل ڈیکر بسیں کراچی پہنچیں گی، مزید 100 بسیں بھی جون ہی میں پہنچ جائیں گی۔
اجلاس میں گرین لائن اور اورنج لائن کی گاڑیوں کو بروئے کار لاتے ہوئے آئندہ ہفتے نیا روٹ شروع کرنے کا فیصلہ کیا گیا جبکہ سندھ حکومت نے ناقص اور غیر محفوظ کمرشل گاڑیوں کی رجسٹریشن منسوخ کرنے کا فیصلہ کیا ہے۔
محکمہ ٹرانسپورٹ کی جانب سے خواتین کے لیے پنک ای وی اسکوٹر اسکیم جلدد شروع کرنے کی ہدایات کی گئیں، ملازمت پیشہ اور طالبات درخواست گزاروں کے لیے ڈرائیونگ لائسنس کا ہونا لازمی قرار دیا گیا۔
علاوہ ازیں ابتدائی مرحلے میں 500 الیکٹرک ٹیکسیاں متعارف کروانے کے یلے بھی ضروری اقدامات کی ہدایات کی گئیں۔
