کراچی : والدین نے بارش کے باعث اسکول کی تدریس معطل کرنے کا مطالبہ کردیا اور کہا گندگی کےباعث بچوں کو اسکول لانا مشکل مرحلہ ہوتا ہے۔
تفصیلات کے مطابق کراچی میں مون سون بارشوں کےباعث سرکاری اسکولوں حاضری انتہائی کم رہی، گورنمنٹ گرلز ہائر سیکنڈری اسکول کی طالبات گھروں کوچلی گئیں۔
اسکولز میں کلاس اول سے پانچویں جماعت کی طالبات کوگھر بھیج دیا گیا ، والدین کی جانب سے بارش کے باعث اسکول کی تدریس معطل کرنےکامطالبہ کیا۔
والدین کا کہنا تھا کہ گندگی کےباعث بچوں کواسکول لانامشکل مرحلہ ہوتا ہے۔
گزشتہ روز کمشنر کراچی سید حسن نقوی نے اعلان کیا تھا کہ جمعرات 29 اگست کو کراچی میں تمام اسکول کھلے رہیں گے اور کراچی کے ضلع وسطی میں تعلیمی اداروں کی عام تعطیل کا نوٹیفکیشن منسوخ کردیا تھا۔
ڈپٹی کمشنر ضلع وسطی کی جانب سے عام تعطیل کے احکامات جاری کیے گئے تھے، ضلع وسطی میں بارش کے باعث چھٹی کا اعلان کیا گیا تھا۔
