ملک میں مہنگائی، بیروزگاری اور جرائم سے تنگ شہری بیرون ملک جانے کی کوشش کرنے لگے۔
اے آر وائی نیوز کے مطابق کراچی کے تمام پاسپورٹ آفسز میں رش بڑھ گیا اور پاسپورٹ بنوانے کے خواہشمند شہریوں کی لمبی قطاریں لگ گئی ہیں۔
ایک شہری کا کہنا ہے کہ مہنگائی نے زندگی اجیرن کردی ہے ملک میں رہ کر گزارہ کرنا مشکل ہوگیا ہے۔
دوسرے شہری نے شکوہ کیا کہ ’یہاں روزگار نہیں ہے ملک چھوڑنے کے سوا کوئی دوسرا راستہ نہیں بچا ہے۔
کئی شہریوں نے مہنگائی اور بیروزگاری کا ذکر کیا اور بتایا کہ ’ایک ہزار پانچ سو روپے میں دیہاڑی کرنے والا مزدور کس طرح گھر چلا سکتا ہے۔
دوسری جانب پاسپورٹ آفس حکام کا کہنا ہے کہ شہریوں کو پاسپورٹ کے حصول میں سہولیات فراہم کی جارہی ہیں۔
