کراچی : شہر قائد کے مختلف علاقوں میں پولیس نے کارروائیوں کے دوران 17ملزمان کو گرفتار کرکے ملزمان کےقبضے سے اسلحہ برآمد کرلیا۔
تفصیلات کےمطابق کراچی کے علاقے اورنگی ٹاؤن میں دو ملزمان لوٹ مار میں مصروف تھےکہ پولیس موقع پر پہنچ گئی، ڈاکوؤں نے پولیس کو دیکھتےہی فائرنگ شرو ع کردی جس سےایک شہری زخمی ہو گیا،پولیس نےجوابی فائرنگ کر کےدونوں ڈاکوؤں کوزخمی حالت میں گرفتارکرلیا۔
ادھرسائٹ کے علاقے پراچہ پل کے قریب پولیس نےسڑکوں پر شہریوں سے لوٹ مارکرنے والے ملزم کوگرفتار کرکےاس کےقبضے سے اسلحہ اور موٹر سائیل برآمد کر لی ۔
ادھر بجلی نگر،بلدیہ ٹاؤن، سعیدآباد میں پولیس نےڈکیتی اور اسٹریٹ کرائم اور منشیات فروشی میں ملوث پانچ ملزمان کوحراست میں لے کر اسلحہ برآمد کر لیا۔
واضح رہےکہ کراچی کے علاقےپرانی سبزی اور شارع فیصل تھانے کی حدود سےپولیس نےغیرقانوی طور پر رہائش پذیر 8افغان باشندوں کوگرفتارکرکے فارن ایکٹ کے تحت مقدمہ درج کر لیا۔
