کراچی : شہر قائد کے مختلف علاقوں میں پولیس نے کارروائیاں کرتے ہوئے 4 ملزمان کو گرفتار کرکے اسلحہ اور مسروقہ سامان برآمد کرلیا۔
تفصیلات کے مطابق کراچی کے علاقے گلشن اقبال میں پولیس نے کارروائی کے دوران دو اسٹریٹ کریمنل گرفتار کیے، ملزمان کے قبضے سے اسلحہ لوٹا گیا سامان اور موٹر سائیکل برآمد کرلی گئی۔
دوسری جانب ماڈل کالونی کے قریب ڈکیتی کی واردات کے دوران فائرنگ سے تین افراد زخمی ہوگئے جبکہ ملزمان فرار ہونے میں کامیاب ہوگئے۔
ادھر سول لائن پولیس نے کاروائی کے دوران لیاری گینگ وار کے دواہم کمانڈر گرفتار کرلیے،ملزمان کے قبضے سے دستی بم اور کلاشنکوف برآمد کرلی گئی۔
کراچی کے علاقے سرجانی سیف المری گوٹھ میں فائرنگ سے دو افراد جاں بحق جبکہ ایک زخمی ہوگیا۔
کراچی : رینجرز کی کارروائی‘ موٹرسائیکل لفٹرگروہ کے4 کارندے گرفتار
یاد رہے کہ دو روز قبل سندھ رینجرز نے کراچی میں کارروائی کرتے ہوئے 4 ملزمان کو گرفتار کیا تھا، ملزمان کا تعلق موٹرسائیکلیں چوری کرنے والے گروہ سے تھا۔
ترجمان رینجرز کا کہنا تھا کہ ملزمان ملیر، سرجانی، لانڈھی اور کمرشل علاقوں میں وارداتیں کرتے تھے۔
