کراچی :شہرقائد کے مختلف علاقوں میں پولیس کی ٹارگٹڈ کارروائیوں میں 3مغوی بازیاب جبکہ 11ملزمان کو گرفتار کرلیا۔
تفصیلات کےمطابق کراچی کےعلاقے پاک کالونی میں قانون نافذ کرنے والے ادارے نے کارروائی کرکے3مغوی بازیاب کرالیے۔
ذرائع کا کہنا ہے کہ چھاپے کے دوران اغوا کار سمیت 9 ملزمان کو گرفتار کیا گیا ہےجبکہ بازیاب افراداور ملزمان کو نامعلوم مقام پر منتقل کردیا گیا ہے۔
دوسری جانب کراچی کےعلاقے ناظم آباد میں پولیس مقابلے کے بعد دو ملزمان کو زخمی حالت میں گرفتار کرلیا گیا ہے۔ پولیس کے مطابق ملزمان سے اسلحہ اور منشیات برآمد کرلی گئی ہے۔
مزید پڑھیں:کراچی کے مختلف علاقوں میں پولیس کی کارروائی،5ملزمان گرفتار
واضح رہے کہ گزشتہ روز شہر قائد کے مخلتف علاقوں میں پولیس نے کارروائی کے دوران پانچ ملزمان کو گرفتار کیا تھا اور ملزمان کے قبضے سے اسلحہ بھی برآمد کیاگیا تھا۔