کراچی: پولیس نے شادی میں فائرنگ کرکے بچے سمیت 3 افراد کو زخمی کرنیوالے اشتہاری ملزم کو گرفتار کرلیا۔
تفصیلات کے مطابق کراچی کے تھانہ پاک کالونی اور مدینہ کالونی تفتیشی ٹیم نے کارروائی کرتے ہوئے اشتہاری ملزم کو گرفتار کرلیا، ملزم نے شادی میں فائرنگ کرکے بچوں کو زخمی کردیا تھا۔
پولیس کا کہنا ہے کہ واقعہ 3 نومبر کو میانوالی کالونی میں شادی میں 2 گروپوں کے درمیان تصادم پر ہوا تھا، ملزم کی فائرنگ سے امان اللہ خان نیازی، عامر اور شہزاد زخمی ہوئے تھے۔
- Advertisement -
پولیس کے مطابق واقعے میں ملوث ملزم عبدالرؤف نیازی کو گرفتار کیا گیا، خفیہ اطلاع پر چھاپہ مار کر اقدام قتل کے مقدمے میں اشتہاری کو گرفتار کیا گیا۔
گرفتار عبداللہ عرف پرویز کیخلاف 2013 میں اقدام قتل کا مقدمہ درج تھا، تھانہ مدینہ کالونی کے مقدمے میں ملزم کو عدالت نے اشتہاری قرار دیا تھا۔
