کراچی: شادی میں ہوائی فائرنگ کرنے پر دولہا کو گرفتار کرنے کا واقعہ پیش آیا ہے، اہلخانہ کے 25 ہزار روپے دینے کے بعد دولہا کو رہائی ملی۔
تفصیلات کے مطابق پولیس حکام کا کہنا ہے کہ دولہا کو گرفتار کرنے کے واقعے پر ایس ایچ او شاہ فیصل کالونی حمید اللہ کیخلاف تحقیقات شروع کردی گئی ہیں، ایس ڈی پی او لانڈھی ایس ایچ او شاہ فیصل کالونی کیخلاف تحقیقات کررہے ہیں۔
پولیس نے بتایا کہ دولہا کے دوست نے ایس ایچ اوشاہ فیصل کالونی حمید اللہ سے فون پر ہونے والے گفتگو کی ویڈیو ریکارڈ کی۔
- Advertisement -
ایس ایچ او کا اپنے مؤقف میں کہنا ہے کہ دولہا کو صاحب کے کہنے پر چھوڑا، وہ جاتے ہوئے خود پیسے دےکر گیا، پولیس حکام نے کہا کہ ویڈیو ریکارڈنگ اور واقعے کی تحقیقات کررہے ہیں۔
