کراچی : شہر قائد کے مختلف علاقوں میں پولیس نے سرچ آپریشن کے دوران 14 ملزمان کو گرفتار کرکے اسلحہ برآمد کرلیا۔
تفصیلات کے مطابق کراچی میں خفیہ اطلاع پر کیے جانے والے آپریشن کے دوران ملیر کے مختلف علاقوں شرافی گوٹھ ، محمد ولی گوٹھ سمیت دیگر علاقوں کے داخلی وخارجی راستے سیل کرکے مخصوس گھروں کی تلاشی لی گئی۔
سرچ آپریشن میں رینجرز کے جوانوں نے بھی لیا۔ مشترکہ سرچ آپریشن کے دوران دس مشتبہ افراد کوحراست میں لیا گیا جبکہ ایک ملزم مسلم ولد درمحمد کے قبضے سےغیرقانونی اسلحہ بمع گولیاں برآمد کرکے مقدمہ درج کرلیا گیا۔
دوسری جانب بلال کالونی میں پولیس نے کارروائی کرتے ہوئے تین اسٹریٹ کرمنلز کو دھرلیا۔ ملزمان کے قبضے سے تین ٹی ٹی پستول، دو موٹرسائیکلیں اور موبائل فونز برآمد کرلیے گئے۔
پولیس کے مطابق تینوں ملزمان بلال کالونی اورنیوکراچی کے اطراف اسٹریٹ کرائم کی متعدد وارداتوں میں مطلوب تھے۔
کراچی کے مختلف علاقوں میں پولیس کی کارروائیاں‘ 48 ملزمان گرفتار
خیال رہے کہ دو روز قبل کراچی کے مختلف علاقوں میں پولیس نے کارروائیاں کرتے ہوئے 48 ملزمان کو گرفتار کرکے اسلحہ اور مسروقہ سامان برآمد کیا تھا۔
یاد رہے کہ 24 نومبرکو رات گئے کراچی کےعلاقے عزیزآباد میں پولیس اہلکار پر فائرنگ کرنے والے ایک ملزم کو گرفتار کرلیا گیا تھا۔
