کراچی : کراچی پولیس چیف جاویدعالم اوڈھو نے پولیس مقابلے میں 5 افغان ڈکیتوں کوہلاک کرنے والی پولیس پارٹی کیلئے 5 لاکھ روپے انعام کا اعلان کردیا۔
تفصیلات کے مطابق ایڈیشنل آئی جی جاویدعالم اوڈھو کراچی میں نارتھ کراچی میں پولیس مقابلے میں 5 افغان ڈکیتوں کوہلاک کرنے والی پولیس پارٹی کیلئے 5 لاکھ انعام کا اعلان کردیا۔
کراچی پولیس چیف نے کہا کہ نارتھ کراچی میں گھر میں ڈکیتی کی اطلاع ملنے پرپولیس نےبروقت کارروائی کی، پولیس مقابلے میں5 ڈاکو مارے گئے ،2 ساتھی فرار ہوگئے، پولیس جرائم پرقابو پانے کیلئے تمام وسائل کوبروئے کار لانےمیں مصروف ہے۔
دوسری جانب ڈی آئی جی ویسٹ فدا حسین مستوئی نے میڈیا سے گفتگو کرتے ہوئے کہا کہ وائٹ کرولا گینگ واردات کرنے آئے تھے، گینگ گھروں میں تشددکرکےلوٹ مارکرتےتھے۔
ملزمان کےساتھیوں کوگرفتارکرنےکیلئےچھاپےمارےجارہےہیں، اطلاع ملتے ہی پولیس فوری طور پر کارروائی کیلئے پہنچی، پولیس افسران واہلکاروں نےبہادری سےڈاکوؤں کامقابلہ کیا اور پولیس نےمقابلےمیں ڈاکوؤں کوہلاک کیا۔
