کراچی : کراچی پولیس چیف نے خراب کارکردگی دکھانے والے افسران وارننگ جاری کرتے ہوئے کہا کہ جو کام کرےگا وہ رہےگا، ورنہ گھر جائے گا۔
تفصیلات کے مطابق کراچی پولیس چیف نے خراب کارکردگی دکھانے والے افسران کو گھر بھیجنے کا فیصلہ کرتے ہوئے ڈسٹرکٹ ایس ایس پی سمیت 31 افسران کو وارننگ جاری کردیا۔
ایڈیشنل آئی جی کراچی عمران یعقوب نے اےآر وائی نیوزسے گفتگو کرتے ہوئے کہا کہ جو کام کرےگا وہ رہےگا، ورنہ گھر جائے گا، کوشش ہےسابق ایڈیشنل آئی جی کی پالیسی کو لے کر چلوں۔
عمران یعقوب کا کہنا تھا کہ منشیات فروشی کیخلاف حکمت عملی بنارہےہیں، منشیات فروشی کیخلاف رینجرزبھی پولیس کےساتھ کام کرے گی۔
ایڈیشنل آئی جی کراچی نے کہا شہر کے50 فیصد جرائم کراچی کے30 تھانوں کی حدودمیں ہوتےہیں، 30 ایس ایچ اوز کو جرائم کی روک تھام کیلئےالٹی میٹم دیاہے، موٹرسائیکل چوری کی روک تھام کیلئےبھی کام کررہےہیں۔
ان کا کہنا تھا کہ ٹریفک جام سےبچنےکیلئےپارکنگ پلازہ کی تجویز دی ہے، کراچی کےتمام مصروف علاقوں میں پارکنگ پلازہ بنائے جاسکتے ہیں۔
