کراچی پولیس چیف نے شہریوں کو ہیلمٹ کی خریداری کے لیے ایک ہفتے کی مہلت دےدی
The news is by your side.

Advertisement

کراچی پولیس چیف نے شہریوں کو ہیلمٹ کی خریداری کے لیے ایک ہفتے کی مہلت دےدی

کراچی: پولیس چیف نے ٹریفک قوانین پر عملدرآمد نہ کرنے والے شہریوں کو خبردار کرتے ہوئے کہا پہلے رونگ وے مہم شروع کی اب ہیلمٹ اور لائسنس کی بھرپور مہم کا آغاز کریں گے، ہیلمٹ کی خریداری کے لیےایک ہفتے کا وقت دیتے ہیں۔

تفصیلات کے مطابق کراچی پولیس چیف ایڈیشنل آئی جی کراچی ٹریفک قوانین بحال کرانے کے لیے ڈٹ گئے، ڈاکٹرامیرشیخ نے کہا ٹریفک قوانین کی خلاف ورزی کرنےوالے جیل جائیں گے۔

ایڈیشنل آئی جی کراچی کا کہنا تھا کہ وزیربلدیات سعیدغنی اورمیئرکراچی سےبھی تعاون مانگاہے، ٹریفک روانی کیلئے تجاوزات کا خاتمہ کرنا ہوگا، آپریشن کیلئے میئر اور وزیربلدیات کو نفری ہم دیں گے، تجاوزات کے خاتمے کیلئےمقدمہ درج کرکے گرفتاریوں پر تیار ہیں۔

پولیس چیف نے کہا کہ ابتدامیں اہم شاہراہوں پرموٹرسائیکلوں کیلئےالگ لین کاارادہ ہے، پہلے رونگ وے مہم شروع کی اب ہیلمٹ اور لائسنس کی بھرپور مہم کا آغاز کریں گے۔

ان کا کہنا تھا کہ ون وے کی خلاف ورزی پرگرفتاری ہوگی، بغیرلائسنس گاڑی چلانے پرگاڑی ضبط ہوگی، کم عمرڈرائیوزکوگرفتاربلکہ کولڈڈرنک پلائیں گے اور گاڑی ضبط ہوگی۔

مزید پڑھیں : کراچی میں رانگ وے پر جانے والوں کو گرفتار کرلیا جائے گا

ڈاکٹرامیرشیخ نے کہا شہریوں کو ہیلمٹ کی خریداری کے لیے ایک ہفتے کا وقت اور لائسنس بنوانے کے لیے ایک ماہ کا وقت دیتےہیں۔

کراچی پولیس چیف کا کہنا تھا کہ میری ہیلمٹ کی دکانیں نہیں نہ کسی کا کنٹینردرآمد کرایا ہے، ہیلمٹ کی پابندی حفاظت کیلئےہےمنطق کےبجائےعمل کیا جائے۔

یاد رہے دو روز قبل کراچی ٹریفک پولیس نے رانگ وے سے آنے والوں کی گرفتاری کا فیصلہ کرتے ہوئے کہا تھا کہ گرفتاری زیر دفعہ دوسواناسی کے تحت ہوگی اور گرفتار کرکے گاڑی ضبط کرلی جائے گی۔

ایڈیشنل آئی جی امیر شیخ کےاحکامات پر ٹریفک پولیس کی جانب سے رانگ وے پر آنے والوں کیخلاف کریک ڈاؤن شروع کرتے ہوئے دو پولیس اہلکار کو گرفتار کرلیا تھا۔

شہر بھر میں ٹریفک قوانین خصوصا رانگ وے پر آنے والی درجنوں گاڑیاں اور موٹر سائیکلیں ضبط کرلیں گئی تھیں۔

Comments

comments

یہ بھی پڑھیں