کراچی پولیس چیف خادم حسین رند کا کہنا ہے کہ غیر قانونی مقیم افغانی سنگین جرائم میں ملوث تھے۔
اے آر وائی نیوز سے خصوصی گفتگو کرتے ہوئے کراچی پولیس چیف خادم حسین رند نے کہا کہ 43 ہزار غیر قانونی مقیم افغانی واپس چلے گئے ہیں، غیر قانونی مقیم افغانی سنگین جرائم میں ملوث تھے۔
انہوں نے کہا کہ کراچی میں اسٹریٹ کرائمز اور گھر میں ڈکیتی کی وارداتوں میں بھی غیرقانونی مقیم افغانی ملوث تھے۔
- Advertisement -
کراچی پولیس چیف نے کہا کہ کراچی میں گزشتہ سال اسٹریٹ کرائم میں چار اعشاریہ نو فیصد تک کمی آئی، منشیات فروشوں کے خلاف بھی آپریشن کیا گیا ہے۔
ایک سوال کے جواب میں انہوں نے کہا کہ پی ایس ایل سیکیورٹی سے متعلق پلان تشکیل دیا جارہا ہے۔
