کراچی: کراچی پولیس نے ملازمین کی تصدیق کے لیے نئی ایپ تیار کرا لی۔
تفصیلات کے مطابق کراچی پولیس نے ملازمین کی تصدیق کے لیے نئی ایپ تیار کرا لی۔پہلے مرحلے میں ساؤتھ زون پولیس ملازمین کا ڈیٹا جمع کرے گی۔
ایس ایس پی ساؤتھ کا کہنا ہے کہ شہری ملازمین رکھنے سے پہلے ڈیٹا ایپلی کیشن پر اپلوڈ کریں، ملازمین کا کرمنل ریکارڈ ہوا تو لال نشان سامنے آجائےگا۔
شیراز نذیر کا کہنا تھا کہ ملازمین کے ڈیٹا جمع ہونے سے وارداتوں میں کمی آئے گی۔ماضی میں وارداتوں میں گھریلو ملازمین ملوث پائےگئے،کرائے دار رکھنے سے قبل بھی اس کا ڈیٹا ایپ میں جمع ہوسکےگا۔
پولیس حکام کا کہنا ہے کہ ایپ کا مقصد جرائم پیشہ اور مشکوک افراد سے شہریوں کو بچانا ہے۔
کراچی پولیس کا ملزمان کی الیکٹرونک مانیٹرنگ کا فیصلہ
یاد رہے کہ گزشتہ روز کراچی پولیس نے ملزمان کی الیکٹرونک مانیٹرنگ کا فیصلہ کیا تھا۔
پولیس چیف کا کہنا تھا کہ الیکٹرونک ٹریکنگ سے ملزمان کی نقل وحرکت پر نظر رہےگی،ضمانت پر رہا ملزمان کو بھی الیکٹرونک ڈیوائس لگائی جائے گی۔الیکٹرونک مانیٹرینگ سے ملزمان کی بار بار گرفتاری سے بچا جا سکے گا۔
