کراچی : شہر قائد کےعلاقے سائٹ ایریا میٹروول میں مبینہ پولیس مقابلے میں دو ڈاکوؤں کے زخمی ہونے کا واقعہ پیش آیا ہے۔
ملزمان مقابلے سے قبل سڑک پر شہری سے لوٹ مار کر رہے تھے، واقعے کی ویڈیو سامنے آگئی، موٹر سائیکل سوار شہری نے سڑک سے گزرتے ملزمان کی ویڈیو بنائی۔
گرفتار دونوں ملزموں کو شہری کی جیبیں خالی کرتے دیکھا جاسکتا ہے، واردات ہوتی دیکھ کر ایک راہگیر نے قریب ہی گزرنے والی موبائل میں موجود پولیس اہلکاروں کو واقعہ کی اطلاع دی۔
- Advertisement -
پولیس اہلکار فوری طور پر ملزمان کے تعاقب میں پہنچے تو ڈاکوؤں نے فائرنگ شروع کردی پولیس کی جوابی فائرنگ کے نتیجے میں دونوں ڈاکو زخمی ہوگئے۔
اس حوالے سے پولیس حکام نے بتایا کہ ملزمان سے بغیر نمبر پلیٹ نئی موٹرسائیکل برآمد ہوئی ہے، ملزمان کیخلاف مقدمہ درج کرکے مزید تفتیش شروع کردی گئی ہے۔
