کراچی: شہر قائد میں تین مبینہ پولیس مقابلوں میں 4 ڈاکو گرفتار اور ایک ہلاک ہو گیا۔
تفصیلات کے مطابق کراچی کے علاقے کورنگی کریک روڈ کے قریب ایک مبینہ پولیس مقابلے میں فائرنگ کے تبادلے میں ایک ڈاکو زخمی حالت میں گرفتار ہوا، جب کہ اس کا ساتھی فرار ہو گیا۔
پولیس حکام کے مطابق گرفتار ڈاکو کی شناخت اسماعیل کے نام سے ہوئی ہے، جس سے اسلحہ اور چھینا ہوا موبائل فون برآمد ہوا۔
کراچی کے علاقے کورنگی صنعتی ایریا میں بھی ایک مبینہ پولیس مقابلے میں زخمی سمیت 3 ڈاکو گرفتار کیے گئے، جن سے 2 پستولیں اور چھینے ہوئے موبائل فون برآمد کیے گئے۔ کورنگی پولیس کا کہنا ہے کہ ملزمان میں زخمی سیف اللہ، شاہ نواز اور کاشف شامل ہیں، پولیس اور ڈاکوؤں میں فائرنگ کا تبادلہ ملیر ایکسپریس وے روڈ کے قریب ہوا۔
نارتھ کراچی انڈا موڑ کے قریب فائرنگ سے ایک شخص جاں بحق
زمان ٹاؤن تصویر محل پر واقع چوکی کی پولیس کا بھی ڈاکوؤں سے فائرنگ کا تبادلہ ہوا، جس میں ایک ڈاکو ہلاک ہو گیا جب کہ اس کا ساتھی فرار ہو گیا، پولیس حکام کا کہنا ہے کہ دونوں ڈاکو کوسٹ گارڈ چورنگی کے قریب شہری سے لوٹ مار کر رہے تھے۔ ہلاک ڈاکو سے اسلحہ اور چھینے ہوئے موبائل فون برآمد ہوئے۔
