کراچی: رات گئے کراچی میں تین پولیس مقابلوں میں 7 ملزمان گرفتار کیے گئے ہیں۔
تفصیلات کے مطابق کراچی کے علاقے نادرن بائی پاس پر سرجانی پولیس اور 8 رکنی ڈکیت گینگ میں فائرنگ کا تبادلہ ہوا ہے، جس میں 3 ملزمان کو زخمی حالت میں گرفتار کیا گیا، جب کہ 5 ساتھی فائرنگ کرتے ہوئے فرار ہوئے۔
پولیس حکام کے مطابق ملزمان سے 2 پستول، چھینے گئے موبائل فونز اور نقدی برآمد ہوئی، ملزمان کی شناخت لیاقت، مجاہد اور ذیشان کے ناموں سے ہوئی ہے۔
کراچی کے علاقے ریڑھی گوٹھ کے قریب سکھن پولیس اور ملزمان میں فائرنگ کا تبادلہ ہوا، جس میں ایک ملزم زخمی حالت میں گرفتار ہوا جب کہ اس کا ساتھی فرار ہو گیا، پولیس کے مطابق ملزم کی شناخت نعمان کے نام سے ہوئی ہے، جس سے اسلحہ، نقدی اور موٹر سائیکل برآمد ہوئی۔
سابق چیئرمین نادرا طارق ملک سمیت 11 افسران کے خلاف مقدمہ درج
کراچی کے علاقے ناتھا خان گوٹھ میں اے وی ایل سی پولیس اور ڈاکوؤں میں فائرنگ کا تبادلہ ہوا، جس میں 2 زخمیوں سمیت 3 ڈاکو گرفتار ہوئے، پولیس کے مطابق ڈاکوؤں سے 2 پستول، چھینی گئی موٹر سائیکل برآمد ہوئی، ایس ایس پی امجد شیخ کا کہنا تھا کہ ڈاکوؤں کی شناخت طارق، غلام علی اور طالب راجپوت کے نام سے ہوئی ہے، گرفتار ڈاکو پہلے بھی متعدد مقدمات میں گرفتار ہو کر جیل جا چکے ہیں۔
