کراچی : شہر قائد کے مختلف علاقوں میں پولیس مقابلوں کے دوران تین ملزمان کو گرفتار کرلیا گیاجبکہ میمن گوٹھ میں فائرنگ سے ایک شخص ہلاک ہوگیا۔
تفصیلات کے مطابق کراچی کے علاقے لیاقت آباد میں لیاری ایکسپریس وے کے قریب پولیس مقابلے کے دوران دو ملزمان کو زخمی حالت میں گرفتارکرکے اسلحہ برآمد کرلیا گیا۔
پولیس کے مطابق گرفتار ملزمان کی شناخت شعیب اور محسن کے ناموں سے کرلی گئی ہے۔ گرفتار ملزمان قتل ، اقدام قتل ، گھروں ميں ڈكيتی اور اسٹريٹ كرائم سميت متعدد وارداتوں ميں ملوث ہیں۔
دوسری جانب سہراب گوٹھ میں پولیس نے کارروائی کرکے مختلف جرائم میں ملوث ملزم کو گرفتار کرکے اس کے قبضے سے اسلحہ بھی برآمد کرلیا ہے۔
ملزمان سے مزيد تفتيش جاری ہے۔ جبکہ ملیر میمن گوٹھ سے ایک شخص کی لاش ملی ہے۔ پولیس کے مطابق مقتول کو فائرنگ کرکے ہلاک کیا گیا تاہم شناخت تاحال نہیں ہوسکی ہے ۔
