کراچی کے مختلف علاقوں میں پولیس مقابلوں کے بعد 5 ڈاکوؤں کو اسلحے سمیت گرفتار کر لیا گیا۔
تفصیلات کے مطابق پولیس کا بتانا ہے کہ لیاقت آباد سندھی ہوٹل کے قریب فائرنگ کے تبادلے میں امین نامی ملزم اسلحہ سمیت پکڑا گیا جبکہ اس ساتھی فرار ہوگیا۔
پولیس کے مطابق کریم آباد اپوا گرلز کالج کے قریب مبینہ پولیس مقابلے میں مظہر نامی ملزم کو گرفتار کر کے اسلحہ اور موٹرسائیکل برآمد کی گئی، کنیز فاطمہ سوسائٹی میں پولیس سے مقابلہ کے بعد ایک ملزم اسلحہ سمیت زخمی حالت میں گرفتار کرلیا گیا۔
پولیس کا کہنا ہے کہ ملزم کی شناخت سلمان کے نام سے ہوئی ہے، ملزم کا ساتھی فرار ہو گیا، گبول ٹاؤن میں پولیس نے مقابلہ کے بعد ملزم احمد گل کو اسلحہ اور دیگر سامان کے ساتھ حراست میں لے لیا۔
