کراچی پولیس آفس پر دہشت گردوں کے حملے کے بعد قانون نافذ کرنے والے اداروں کے اہلکاروں نے جان کی پرواہ نہ کرتے ہوئے دہشت گردوں کے عزائم خاک میں ملا دیئے۔
مذکورہ آپریشن انتہائی کامیابی کے ساتھ مکمل کرنے کے بعد پولیس رینجرز اور پاک فوج کے جوانوں نے مل کر جذباتی انداز میں نعرہ تکبیر اللہ اکبر اور سندھ پولیس زندہ باد کے نعرے لگائے۔
واضح رہے کہ پولیس سندھ رینجرز نے مشترکہ آپریشن کرتے ہوئے کراچی پولیس چیف کی عمارت میں گھسنے والے تینوں دہشت گردوں کو ہلاک کردیا ہے۔
اے آر وائی نیوز کی ذمہ دارانہ رپورٹنگ :
رپورٹنگ ٹیم : نذیر شاہ ، سلمان لودھی ، کامل عارف : کراچی پولیس آفس پر حملے کی پل پل کی صورتحال اے آر وائی نیوز نے ناظرین تک پہنچائی، اے آر وائی نیوز کے رپورٹرز نے تمام تر انتہائی احتیاطی اقدامات کے ساتھ اپنی ذمہ داریاں نبھائیں۔
مزید پڑھیں : کراچی پولیس آفس حملہ : آپریشن مکمل، تمام دہشت گرد جہنم واصل
اے آر وائی نیوز نے روایتی انداز میں صحافتی ذمہ داری نبھاتے ہوئے حملے کی کوئی فوٹیج براہ راست نشرنہیں کی، پولیس آفس کے اندر سے دہشت گردوں کی ہلاکت کے بعد کے مناظر بھی سب سے پہلے اے آر وائی ہی سامنے لایا۔