کراچی: بلدیہ ٹاؤن میں پولیس اہلکار کی فائرنگ سے ایک ڈاکو ہلاک جبکہ 2 فرار ہوگئے۔
تفصیلات کے مطابق کراچی کے علاقے بلدیہ ٹاؤن جنگل اسکول کے قریب فائرنگ سے مبینہ ملزم ہلاک ہوگیا، ہلاک ملزم کی لاش سول اسپتال منتقل کردی گئی ہے۔
پولیس کا کہنا ہے کہ ہلاک ہونے والے ملزم کی شناخت نہیں ہو سکی ہے، پولیس ذرائع کا کہنا ہے کہ فائرنگ مبینہ طور پر پولیس اہلکار کی جانب سے کی گئی ہے۔
پولیس ذرائع کے مطابق پولیس اہلکار ڈیوٹی کے بعد گھر جا رہا تھا، 3 ملزمان نے لوٹ مار کی کوشش کی اس دوران پولیس اہلکار کی فائرنگ سے ایک ڈاکو ہلاک جبکہ 2 فرار ہو گئے۔
