The news is by your side.

Advertisement

کراچی، پولیس افسر کی لاش برآمد، پی پی رہنما کے گھر پر فائرنگ

کراچی: شہر قائد کے علاقے رضویہ میں گھر سے پولیس افسر کی لاش برآمد ہوئی ہےدوسری جانب پی پی رہنما کے گھر پر فائرنگ کا مقدمہ درج کرلیا گیا۔

اے آر وائی نیوز کی رپورٹ کے مطابق کراچی کے علاقے رضویہ میں گھر سے اے ایس آئی امیر علی لاش برآمد ہوئی، اے ایس آئی امیر علی جوہر آباد تھانے میں تعینات تھا۔

ایس ایس پی سینٹرل کے مطابق لاش کو پوسٹ مارٹم کے لیے عباسی شہید اسپتال منتقل کردیا گیا ہے، پوسٹ مارٹم رپورٹ آنے کے بعد مزید تفصیلات سامنے آسکیں گی۔

پولیس کے مطابق کمرے کا دروازہ اندر سے بند تھا، لاش 4 سے 5 روز پرانی ہے۔

ادھر کراچی میں پی پی لاہور ڈسٹرکٹ 3 کے صدر عاطف چوہدری کے گھر پر نامعلوم افراد فائرنگ کرکے فرار ہوگئے، عاطف چوہدری کا کہنا ہے کہ حملہ آوروں کے خلاف رپورٹ درج کرادی ہے۔

مزید پڑھیں: کراچی، دکاندار کی فائرنگ سے ہلاک ڈاکو سابق پولیس اہلکار نکلا

واضح رہے کہ دو روز قبل کراچی کے علاقے ابو الحسن اصفہانی روڈ پر دکاندار کی فائرنگ سے ڈاکو ہلاک ہوگیا تھا، ہلاک ڈاکو سابق پولیس اہلکار تھا، ملزم تیمور 2011 میں پولیس میں بھرتی ہوا تھا۔

پولیس کا کہنا تھا کہ ملزم کا کرمنل ریکارڈ بھی سامنے آیا ہے جبکہ ملزم کے ساتھی کو بھی جلد گرفتار کرلیا جائے گا۔

مبینہ ٹاؤن پولیس کے مطابق ابوالحسن اصفہانی روڈ پر چیپل گارڈن کے قریب ایک کریانہ اسٹور پر موٹر سائیکل سوار دوملزمان آئے جن میں سے ایک ملزم نے دکان کے کاؤنٹر کے سامنے کھڑے ہوکر اسلحہ رکھ کر رقم نکالنے کی کوشش کی تو دکاندار نے موقع پاکر فائرنگ کردی جس سے ڈاکو مارا گیا۔

fb-share-icon0
Tweet 20

Comments

comments

یہ بھی پڑھیں