کراچی: پولیس کی رات گئے کارروائیاں، 5 ملزمان گرفتار، اسلحہ برآمد کرلیا گیا
The news is by your side.

Advertisement

کراچی: پولیس کی رات گئے کارروائیاں، 5 ملزمان گرفتار، اسلحہ برآمد

کراچی: شہرقائد کے مختلف علاقوں میں پولیس نے چھاپہ مار کارروائیاں کرتے ہوئے پانچ ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے مختلف علاقوں میں پولیس کارروائیوں کے دوران ملزمان سے مسروقہ سامان اور ایک مغوی لڑکا بھی بازیاب کرایا گیا۔

کراچی کے علاقے طارق روڈ پر پولیس اور ملزمان میں فائرنگ کے تبادلہ کے بعد زخمی سمیت دو ملزمان گرفتار کیے گئے، گرفتار ملزمان کے قبضے سے دو پستول اور موٹر سائیکل برآمد کی گئی۔

فریئر پولیس نے کینٹ اسٹیشن کے قریب کارروائی کے دوران مغوی بچہ بازیاب کرالیا، پندرہ سالہ لڑکے کو تین روز قبل دہلی کالونی سے اغوا کیا گیا تھا۔

پولیس کے مطابق گزشتہ روز گرفتار دو اغوا کاروں کی نشاندہی پر کارروائی کی گئی، ملزمان سے دیگر ساتھیوں سے متعلق تفتیش جاری ہے۔

اے آئی ایس کی ٹارگٹ کلنگ میں ملوث ملزم میمن گوٹھ سے گرفتار کرلیا گیا، ملزم کا تعلق لیاری گینگ وار سے ہے، گرفتار ملزم سے رائفل اور دستی بم برآمد کیا، ملزم نے دوران انٹیروگیشن متعدد وارداتوں کا اعتراف کیا ہے۔

کراچی پولیس کی ایک اور نا اہلی، ملزم کو زخمی کر کے اہل کار ویڈیو بنانے لگا

ایس ایس پی ملیر کا کہنا ہے کہ ملزم کو میمن گوٹھ فٹ بال گراؤنڈ کے ڈریسنگ روم سے گرفتار کیا گیا، ملزم عبدالوہاب قتل کے مقدمے میں نامزد ہے، ملزم نے دوران انٹیروگیشن متعدد وارداتوں کا اعتراف کیا ہے۔

کراچی کے گذشتہ ایک ہفتے کے درمیان منشیات فروشی سمیت دیگر سنگین وارداتوں میں مطلوب درجنوں ملزمان کو گرفتار کیا گیا جن سے تفتیش جاری ہے۔

Comments

comments

یہ بھی پڑھیں