کراچی پولیس نے سوشل میڈیا پر وائرل ہونے والی ویڈیو کا سراغ لگا کر زنجیروں میں جکڑے ہوئے نوجوان کو بازیاب کرالیا۔
اے آر وائی نیوز کے مطابق انٹرنیٹ پر ایک روز قبل نوجوان کی ویڈیو وائرل ہوئی، جسے زنجیروں میں جکڑا ہوا تھا۔
نوجوان نے اپنی ویڈیو انٹرنیٹ پر خود ہی شیئر کی، جس میں اُس نے بتایا کہ اُسے گھر والوں نے زنجیروں سے باندھ کر رکھا ہوا ہے۔
ویڈیو وائرل ہونے کے بعد تمام تھانوں نے اس کا سراغ لگانے کی کوشش کی، جس کے بعد ملیر پولیس اس میں کامیاب ہوئی۔
کراچی پولیس نےگھرمیں زنجیروں سےبندھے نوجوان کو شاہ لطیف ٹاؤن سے بازیاب کرایا۔ نوجوان کی شناخت حمزہ کے نام سے ہوئی ہے، جسے کسی اور نے نہیں بلکہ اپنے اہل خانہ نے زنجیروں سے باندھ کر روکا ہوا تھا۔
پولیس حکام کے مطابق نوجوان ایک شادی شدہ خاتون کی محبت میں مبتلا ہے اور اُن سے شادی کا خواہش مند ہے، اہل خانہ نے اُسے اس عمل سے باز رہنے اور سمجھانے کی کوشش کی مگر وہ باز نہ آیا، جس پر انہوں نے اُسے گھر میں رکھنے کے لیے رنجیروں سے باندھ دیا۔
