The news is by your side.

Advertisement

کراچی میں ڈاکو شہریوں کے ہتھے چڑھ گیا، تشدد کے بعد پولیس کے حوالے

کراچی : شہریوں نے ڈاکو کو رنگے ہاتھوں پکڑ کر تشدد کے بعد پولیس کے حوالے کردیا، رینجرز نے مختلف جرائم میں ملوث 20 ملزمان کو گرفتار کرلیا۔

تفصیلات کے مطابق کراچی کے علاقے بفرزون میں مبینہ ڈاکو شہریوں کے ہتھے چڑھ گیا، جسے تشدد کانشانہ بنا کر پولیس کے حوالے کردیا۔ پولیس حکام کے مطابق پکڑے گئے ڈاکو سے اسلحہ بھی برآمد ہوا ہے۔

ملزم نے دوران تفتیش اعتراف کیا ہے کہ اس کا گروہ ایسٹ اور سینٹرل زون میں کی ڈکیتیوں کی وارداتیں کر چکا ہے۔ پولیس نے زخمی ملزم کو عباسی شہید اسپتال منتقل کردیا۔

دوسری جانب رینجرز نے کراچی کے مختلف علاقوں میں کارروائیاں کرتے ہوئے مختلف جرائم میں ملوث 20 ملزمان کو حراست میں لے لیا۔ رینجرز اہلکاروں نے الفلاح، پاپوش نگر، سچل، سعودآباد،عزیز بھٹی،سعید آباد، مدینہ کالونی اور بلدیہ ٹاؤن کےعلاقوں میں کارروائی کرتےہوئے17 ملزمان کو گرفتار کیا۔

ملزمان لوگوں سے لوٹ مار کرنے، منشیات فروشی، ڈکیتی اور اسٹریٹ کرائم کی متعدد وارداتوں میں ملوث ہیں۔ دریں اثناء گڈاپ کے علاقے میں رینجرز نے کارروائی کرتے ہوئے 3 ملزمان معراج، اظہار اور ابرار شاہ کو گرفتار کیا جو علاقے میں گٹکا فروشی کے کاروبار میں ملوث ہیں۔

گرفتار ملزمان کے قبضے سے غیر قانونی اسلحہ، مسروقہ سامان اور گٹکا بھی بر آمد کیا گیا ہے، تمام ملزمان کو مزید قانونی کارروائی کیلئے پولیس کے حوالے کر دیا گیا ہے۔

Comments

comments

یہ بھی پڑھیں