جمعرات, فروری 13, 2025
اشتہار

کراچی، پولیس مقابلے اور حادثے میں‌ 2 اہلکار جاں‌ بحق، خاتون ایس ایچ او زخمی

اشتہار

حیرت انگیز

کراچی:  ناردرن بائی پاس کے قریب سرجانی تھانے کی پولیس موبائل ڈاکووں‌ تعاقب کرتے ہوئے حادثے کا شکار ہوگئی جس کے نتیجے میں 2اہلکار جاں بحق اور خاتون ایس ایچ او زخمی ہوگئیں۔

اے آر وائی نیوز کی رپورٹ کے مطابق ناردرن بائی پاس کے قریب سرجانی ٹاؤن تھانے کی پولیس موبائل خوفناک حادثے کا شکار ہوگئی جس کے نتیجے میں 2اہلکار جاں بحق اور خاتون ایس ایچ او شرافت خان سمیت 2 اہلکار زخمی ہوگئے۔

ذرائع کا کہنا ہے کہ ناردرن بائی پاس کے قریب مبینہ مقابلے میں ایک اہلکار شہید ہوا تو خاتون ایس ایچ او جائے وقوعہ پر پہنچنے کے لیے روانہ ہوئی جس کے نتیجے میں موبائل حادثے کا شکار ہوئی۔

ریسکیو ذرائع کا کہنا ہے کہ حادثے میں جاں بحق اور زخمی پولیس اہلکاروں کو اسپتال منتقل کردیا گیا ہے، ایس ایچ او شرافت خان کو نجی اسپتال میں طبی امداد دی جارہی ہے۔

ٹریفک حادثے کی وجہ فوری طور پر معلوم نہیں ہوسکی تاہم اسپتال انتظامیہ کا کہنا ہے کہ زخمی اہلکاروں کی حالت خطرے سے باہر ہے۔

ادھر کورنگی مہران ٹاؤن میں خاتون کی تشدد زدہ لاش برآمد ہوئی ہے جبکہ صفورا چورنگی غازی گوٹھ کے قریب فائرنگ سے ایک شخص زخمی ہوگیا جسے طبی امداد کے لیے اسپتال منتقل کردیا گیا ہے۔

دوسری جانب ناردرن بائی پاس پر علی بخش گوٹھ کے قریب فائرنگ کے نتیجے میں ایک بچہ شدید زخمی ہوگیا پولیس نے واقعے کی تحقیقات کا آغاز کردیا ہے۔

اہم ترین

سلمان لودھی
سلمان لودھی
سلمان لودھی اے آر وائی نیوز کراچی کے کرائم رپورٹر ہیں۔

مزید خبریں