کراچی: شہر قائد میں ایک اور پولیس اہلکار لٹیروں کا نشانہ بن گیا، مزاحمت پر گولی لگنے سے اہلکار اکرام زخمی ہو گیا۔
تفصیلات کے مطابق کراچی کے علاقے عزیز آباد بھنگوریہ گوٹھ میں فائرنگ سے ایک پولیس اہلکار زخمی ہو گیا، پولیس حکام کا کہنا ہے کہ فائرنگ کا واقعہ ڈکیتی مزاحمت کے دوران پیش آیا تھا۔
پولیس حکام کے مطابق اہلکار اکرام اپنے دوستوں کے ہمراہ ہوٹل پر بیٹھا ہوا تھا کہ موٹر سائیکل سوار لٹیروں نے ڈکیتی کے دوران مزاحمت پر فائرنگ کر دی۔
- Advertisement -
پولیس اہلکار اکرام پیٹ میں گولی لگنے سے زخمی ہوگیا، جسے فوری طور پر اسپتال منتقل کر دیا گیا ہے۔
