کراچی کے 13 مقامات پر مجلس وحدت مسلمین کے احتجاج کے لیے کئی سڑکیں ٹریفک کے لیے بند ہوگئیں۔
اے آر وائی نیوز کے مطابق کراچی کے علاقے ناتھا خان کے قریب احتجاج سے ایئرپورٹ جانے والی سڑک بند ہوگئی، کامران چورنگی پر بھی احتجاج کے باعث ٹریفک کی آمدورفت معطل ہوگئی، راستے بند ہونے کی وجہ سے لوگ ایئرپورٹ تاخیر سے پہنچے جس کی وجہ سے ان کی فلائٹس چھوٹ گئیں۔
ملیر 15 پر احتجاج کے باعث ٹریفک کا دباؤ ہے، ابوالحسن اصفہانی روڈ عباس ٹاؤن کے قریب احتجاج کی وجہ سے سڑک بند ہے، یونیورسٹی روڈ سمامہ پر بھی احتجاج کیا جارہا ہے اور ٹریفک جام ہے۔
ادھر نمائش چورنگی پر احتجاج کے باعث ٹریفک معطل ہے، فائیو اسٹار چورنگی پر احتجاج کے باعث ٹریفک معطل ہے، فائیو اسٹار چورنگی پر احتجاج کی وجہ سے ٹریفک جام ہے اور گاڑیوں کی لمبی قطاریں لگ گئی ہیں۔
سرجانی ٹاؤن جانے والے راستے پر بھی احتجاج کے باعث ٹریفک معطل ہے، شاہراہ پاکستان انچولی پر بھی احتجاج جاری ہے جس کی وجہ سے ٹریفک کی روانی بند ہے۔
کورنگی ڈھائی نمبر پر احتجاج کے باعث ٹریفک کا دباؤ ہے، اسٹیل ٹاؤن موڑ پر احتجاج ہورہا ہے جس کی وجہ سے ٹریفک کی آمدورفت معطل ہے، ناگن فور کے چورنگی کے قریب بھی احتجاج ہورہا ہے اور ٹریفک کی روانی متاثر ہے۔
