کراچی: شہر قائد کے مختلف علاقوں میں تیز آندھی کے بعد بارش کا سلسلہ شروع ہوگیا ہے۔
کراچی کے مختلف علاقوں میں کہیں ہلکی اور تیز بارش کا سلسلہ شروع ہوگیا ہے، جس کی وجہ سے گرمی کی شدت میں کمی ہوگئی ہے۔
رپورٹ کے مطابق صدر، سائٹ ایریا، لیاقت آباد، سپرہائی وے، ملیر، شارع فیصل، گلزار ہجری، نارتھ کراچی، بفر زون، شادمان ٹاؤن، ملیر میں بارش جاری ہے۔
گارڈن، بہادر آباد، طارق روڈ، آئی آئی چندریگر روڈ اور سائٹ ایریا میں بھی بارش کا سلسلہ جاری ہے۔
مختلف علاقوں میں تیز ہواؤں کے باعث درخت بھی اکھڑ گئے جبکہ ملیر میمن گوٹھ میں تیزبارش سےکیٹل فارم کی دیواریں گرگئی ہیں۔
تیزبارش کے باعث اہم شاہراہوں پر پھسلن کے واقعات بھی پیش آئے ہیں، جس کی وجہ سے کئی موٹرسائیکل سوار زخمی ہوگئے ہیں۔
محکمہ موسمیات کا کہنا ہے کہ کراچی کے شمال مغرب میں بادل موجود ہیں، بارش کا سلسلہ ایک گھنٹہ تک جاری رہ سکتا ہے۔
