کراچی: محکمہ موسمیات کا کہنا ہے کہ کراچی میں آج اور کل آندھی اور گرج چمک کے ساتھ موسلا دھار بارش کا امکان ہے، واضح رہے کہ اس سے قبل موسمیات کی جانب سے 7 اور 8 جولائی کو بارش کی پیش گوئی کی گئی تھی۔
محکمہ موسمیات کے مطابق کراچی میں آج موسم جزوی طور پر ابر آلود رہنے کا امکان ہے، زیادہ سے زیادہ درجہ حرارت 35 سے 37 ڈگری سینٹی گریڈ رہے گا، جب کہ کراچی کا موجودہ درجہ حرارت 30.9 ڈگری سینٹی گریڈ ریکارڈ کیا گیا ہے۔
محکمہ موسمیات کا کہنا ہے کہ کراچی میں گرمی کی شدت 37 ڈگری سینٹی گریڈ محسوس کی جا رہی ہے، ہوا شمال مغرب کی سمت سے چل رہی ہے، اور نمی کا تناسب 77 فی صد ہے۔
