کراچی : طوفانی بارشوں کی پیش گوئی کے پیش نظر کراچی میں ہنگامی حالت نافذ کردی گئی ہے۔
تفصیلات کے مطابق محکمہ موسمیات نے کراچی میں کل سے موسلادھاربارش کا امکان ظاہر کرتے ہوئے کہا ہے کہ بارشوں کا سلسلہ وقفےوقفے سے 31اگست تک برقرار رہ سکتاہے۔
محکمہ موسمیات کا کہنا تھا کہ بارشوں کا سسٹم بتدریج مشرقی سندھ کی جانب بڑھ رہا ہے اور ڈپریشن میں تبدیل ہونے والا سسٹم مزید ایک درجہ شدت اختیارکرگیا، جس سے وسطی بھارت میں موجودمون سون ہواؤں کے کم دباؤمیں شدت آگئی ہے۔
بارش کے پیش نظر کراچی میں بھی ہنگامی حالت نافذ کردی گئی ہے، بلدیہ عظمیٰ کراچی کے تمام اسٹاف کی چھٹیاں منسوخ کردی گئی ہیں۔
میئرکراچی مرتضیٰ وہاب نے میونسپل سروسز کو ہائی الرٹ رہنے کی ہدایت کرتے ہوئے کہا کہ کسی بھی ممکنہ ہنگامی صورتحال پر فوری رسپانس کو یقینی بنائی جائے۔
