کراچی: محکمہ موسمیات کا کہنا ہے کہ کراچی میں مطلع ابرآلود،حبس کی صورتحال برقرار ہے، جبکہ آج شہر میں کہیں موسلا دھار،کہیں تیز بارش کا امکان ہے۔
محکمہ موسمیات کا کہنا ہے کہ کراچی میں کل تک وقفے وقفے سے بارش کا سلسلہ جاری رہے گا، آج زیادہ سے زیادہ درجہ حرارت 34 ڈگری سینٹی گریڈ رہنے کا امکان ہے۔
ہوامیں نمی کا تناسب 88 فیصد ہے، مغربی سمت سے 11 کلومیٹر فی گھنٹہ کی رفتار سے ہوائیں چل رہی ہیں۔
محکمہ موسمیات نے شہر میں گزشتہ رات ہونے والی بارش کے اعداد و شمار جاری کرتے ہوئے کہا کہ سرجانی ٹاؤن میں سب سے زیادہ بارش 33.5 ملی میٹر ریکارڈ کی گئی، مسرور بیس میں 10، اورنگی ٹاؤن میں 7، قائدآباد میں 1.5 ملی میٹربارش ریکارڈ کی گئی۔
گزشتہ رات کراچی کے مختلف علاقوں میں کہیں تیز اور ہلکی بارش کے بعد موسم خوشگوار ہوگیا۔
کراچی کے علاقے گلشن اقبال، گلستان جوہر، فیڈرل بی ایریا، لیاقت آباد، کریم آباد، نارتھ ناظم آباد میں تیز بارش ہوئی ہے۔ادھر لانڈھی، کورنگی، قائد آباد اور ملیر میں بھی ہلکی بارش ریکارڈ کی گئی ہے۔
شاہراہ فیصل، گرومندر، سندھی مسلم سوسائٹی، جمشید کوارٹر میں بھی ہلکی بارش ہوئی جبکہ لیاری ایکسپریس وے پر موسلا دھار بارش ریکارڈ کی گئی۔
ترجمان کے الیکٹرک
کے الیکٹرک ترجمان کا کہنا ہے کہ بارش کے موسم میں شہری برقی آلات کے استعمال میں احتیاط کریں۔
ترجمان کا کہنا ہے کہ پانی کی موٹر جیسے برقی آلات کا غیر محفوظ استعمال حادثات کا سبب بن سکتا ہے، شہری ٹی وی، انٹرنیٹ کیبلز، ٹوٹے ہوئے تاروں، بجلی کی تنصیبات سے فاصلہ رکھیں۔
کے الیکٹرک کا کہنا ہے کہ غیر قانونی ذرائع سے بجلی کا حصول، کنڈے جان لیوا حادثات کا سبب بنتے ہیں۔
بجلی کے بھاری بلوں سے پریشان عوام کے لئے اچھی خبر
ترجمان کے الیکٹرک کا کہنا ہے کہ نشیبی علاقوں میں پانی جمع ہونے پر حفاظتی اقدام کے تحت عارضی طور پر بجلی بن کی جاسکتی ہے، صورتحال کا جائزہ لے رہے ہیں اور فیلڈ اسٹاف الرٹ ہے۔
