کراچی: محکمہ موسمیات نے گرمی کے ستائے ہوئے شہریوں کو خوشخبری سناتے ہوئے کہا ہے کہ آج شہر کے مضافاتی علاقوں میں گرج چمک کیساتھ ہلکی بارش کاامکان ہے۔
محکمہ موسمیات کے جاری کردہ بیان میں کہا گیا ہے کہ 24 گھنٹے کے دوران موسم گرم اور مرطوب رہے گا، شہر میں کم سے کم درجہ حرارت 30.5 ڈگری سینٹی گریڈ ریکارڈ کیا گیا۔
شہر کا موجودہ درجہ حرارت 31 ڈگری سینٹی گریڈ ریکارڈ کیا گیا ہے، گرمی کی شدت 38 ڈگری تک محسوس کی جا رہی ہے۔
- Advertisement -
محکمہ موسمیات کے مطابق زیادہ سے زیادہ درجہ حرارت 36 سے 38 سینٹی گریڈ رہنے کا امکان ہے، ہوا میں نمی کا تناسب 77 فیصد ہے۔
کراچی کے مختلف علاقوں میں تیز ہواؤں کے ساتھ بارش
یاد رہے کہ گزشتہ روز بھی شہر کے مختلف علاقوں میں بارش کے بعد موسم کچھ دیر کے لیے خوشگوار ہوگیا تھا، جبکہ سڑکوں پر پھسلن کے باعث درجنوں موٹر سائیکل سوار گر کر زخمی ہوگئے تھے۔