کراچی میں احسن آباد مشرق سوسائٹی کے قریب ڈکیتی مزاحمت پر آٹوکیڈ انجینئر عبدالباسط قتل کردیا گیا۔
تفصیلات کے مطابق احسن آباد مشرق سوسائٹی کے قریب ڈاکو نے آفس کے لیے گھر سے نکلنے والے آٹو کیڈ انجینئر کو لیپ ٹاپ چھیننے کے دروان گولی مار کر قتل کردیا۔
پولیس کا کہنا ہے کہ جاں بحق شخص کی شناخت عبدالباسط کے نام سے ہوئی ہے، مقتول آٹو کیڈ انجینئر تھا اور دفتر جانے کےلئے نکلا تھا، مقتول کی لاش ضابطے کی کارروائی کیلئے اسپتال منتقل کردی گئی۔
عینی شاہد کا کہنا ہے کہ دو ڈاکوؤں نے لوٹ مار کی اور لیپ ٹاپ چھینے کی کوشش کی، مزاحمت کرنے پر ڈاکوں نے ایک گولی مقتول کو ماری اور فرار ہوگے۔
علاقہ مکینوں کا کہنا ہے کہ سائٹ سپر ہائی وے تھانے کی حدود میں منظم جرائم اور اسٹریٹ کرائم کی وارداتیں مسلسل بڑھ رہی ہیں، پولیس اسنیپ چیکنگ کے نام پر علاقہ مکینوں کو تنگ کرنے اور رشوت بٹورنے میں لگی رہتی ہے۔
واضح رہے کہ چوبیس گھنٹوں کے دوران دوسری اور رواں برس ڈکیتی مزاحمت پر قتل ہونے والے افراد کی تعداد 56 ہوگئی۔
