کراچی میں رواں سال اب تک ڈکیتی مزاحمت پر ہلاکتوں کی تعداد 19 جبکہ رمضان المبارک کے دوران ہلاکتوں کی تعداد 5 ہوگئی ہے۔
یکم مارچ کو رمضان المبارک کے پہلے عشرے میں پولیس کو سیکیورٹی کے فل پروف اقدامات کی واضح ہدایت کے باوجود شہر میں دنداناتے ہوئے ڈاکوؤں نے رمضان میں پہلے عشرے کے صرف 5 روز میں 5 شہریوں کو ڈکیتی کے دوران مزاحمت پر فائرنگ کر کے قتل کردیا گیا۔
شہر میں ڈاکوؤں کی فائرنگ سے مزاحمت کے دوران شہری محمد عمران کی ہلاکت کا مقدمہ درج کرلیا گیا، مقدمہ چیف سیکیورٹی افسر محمد اسلم کی مدعیت میں نامعلوم ملزمان کیخلاف درج کیا گیا ہے۔
کراچی میں ڈکیتی مزاحمت پر 2 نوجوان قتل
کراچی : پی ای سی ایچ ایس بلاک 2 میں فائرنگ، سیکیورٹی گارڈ جاں بحق
مقدمے کے متن کے مطابق اکاونٹنٹ محمد عمران سیکیورٹی گارڈ اور ڈرائیور کیساتھ 51 لاکھ روپے بینک سے لیکر نکلے، موٹر سائیکل سوار ملزمان نے ہائی روف گاڑی کے قریب آئے، موٹر سائیکل سوار ملزمان نے سیکیورٹی گارڈ قاسم سے اسلحہ چھینا۔
جب محمد عمران نے مزاحمت کی تو ملزمان نے فائرنگ کرکے زخمی کیا پیسے چھینے، محمد عمران اسپتال منتقلی کے دوران دم توڑ گیا، اس واقعے کی سی سی ٹی وی فوٹیج بھی سامنے آگئی۔
فوٹیج میں مقتول محمد عمران کو مزاحمت کرتے ہوئے دیکھا جاسکتا ہے، موٹر سائیکل سوار 3 ملزمان کمپنی اکاؤنٹ سے 51 لاکھ روپے چھین کر فرار ہوگئے۔
واضح رہے کہ رمضان المبارک کے آغاز سے ہی ڈکیتی کی وارداتوں کے دوران شہری کو بے دردی سے قتل کرنے کا سلسلہ جاری ہے، 2 مارچ کو اسکیم 33غازی گوٹھ میں ڈاکوؤں کی فائرنگ سے دکاندار جاں بحق ہوا۔
آج 6 جنوری کو پی ای سی ایچ ایس میں ڈاکوؤں کی فائرنگ سے ساجد نامی سیکیورٹی گارڈ جاں بحق ہوگیا جب کہ گزشتہ روز سہراب گوٹھ اور قائد آباد میں ڈاکوؤں کی فائرنگ سے 2 شہری بابر اور وسیم جاں جاں بحق ہوگئے۔
