کراچی: ڈکیتی کے دوان مزاحمت پر شہرقائد میں ایک اور شخص اپنی جان سے ہاتھ دھو بیٹھا، فائرنگ کا واقعہ دکان میں پیش آیا۔
تفصیلات کے مطابق پولیس کا کہنا تھا کہ گرومندر کے قریب فائرنگ سے ہلاکت کا واقعہ ڈکیتی پر مزاحمت کا نکلا، ڈکیتی کے دوران قتل ہونے والا مقتول حسن عارف اپنی دکان پرموجود تھا کہ اس دوران مسلح ملزمان پہنچے۔
پولیس حکام نے مزید بتایا کہ ملزمان نے ڈکیتی کی کوشش کی جس پر حسن نے مزاحمت کی، ملزمان کی فائرنگ سے ایک گولی مقتول کے سینے میں لگی جو جان لیوا ثابت ہوئی۔
حکام نے کہا کہ واقعے کے وقت ایک ریلی بھی وہاں سے گزر رہی تھی، رواں سال ڈکیتی کے دوران مزاحمت پر جاں بحق شہریوں کی تعداد 109 ہوگئی۔
