The news is by your side.

Advertisement

کراچی: پولیس افسران اور اہلکاروں کی اسکریننگ، ٹیسٹنگ کا دوسرا مرحلہ

کراچی: کروناوائرس کے پیش نظر شہرقائد میں پولیس کے افسران اور جوانوں کی اسکریننگ اور ٹیسٹنگ کے دوسرے مرحلے کا آغاز ہوگیا ہے۔

تفصیلات کے مطابق کراچی میں ڈسٹرکٹ ساؤتھ کے افسران اور اہلکاروں کے مختلف نوعیت کے ٹیسٹ اور اسکریننگ کی گئی۔ ڈسٹرکٹ ساؤتھ کے 250 سے زائد افسران اور اہلکاروں کے بلڈ سیمپلز لیے گئے۔

ایڈیشنل آئی جی کراچی غلام نبی میمن نے اسکاوٹس آڈیٹوریم کا دورہ کیا۔ ڈاکٹرز کا کہنا ہے کہ اسکریننگ کرانے والا کوئی بھی پولیس اہلکار کرونا کا مشتبہ مریض نہیں، افسران و جوان صحت کا خیال اور ایمانداری سے فرائض انجام دیں۔

کراچی، ٹریفک پولیس کے 2 اہلکار کرونا وائرس میں مبتلا

پولیس حکام کے مطابق پولیس فورس صحت مند ہوگی تو فرائض بہترین طریقے سے ادا کر سکیں گے، دیگر اضلاع میں بھی آگاہی پروگرام اور بلڈ اسکریننگ وٹیسٹنگ کیے جائیں گے۔

خیال رہے کہ گزشتہ دنوں شہر قائد میں ڈیوٹی انجام دینے والے 2 اہلکاروں میں کرونا وائرس کی تصدیق ہوئی تھی جس کے بعد انہیں آئسولیشن میں منتقل کردیا گیا ہے۔

Comments

یہ بھی پڑھیں