The news is by your side.

Advertisement

شارع فیصل پر رکشہ لانے پر پابندی کا فیصلہ ایک ماہ کیلئے مؤخر

کراچی: کراچی کی مصروف شارع فیصل پر رکشہ اور ہیوی ٹریفک لے جانے پر پابندی کا فیصلہ ایک ماہ کیلئے موخر کردیا گیا ہے، رکشہ ڈرائیوز کا کہنا ہے کہ شاہراہ فیصل پر رکشہ لانے کی پابندی کا فیصلہ ایک ماہ کیلئے مؤخر کرنا خوش آئند ہے۔

تفصیلات کے مطابق کراچی میں شارع فیصل پر رکشہ اور ہیوی ٹریفک لے جانے پر پابندی کا فیصلہ ایک ماہ کیلئے موخر کردیا گیا، ڈی آئی جی ٹریفک امیرشیخ نے گزشتہ روز شاہراہ فیصل پر رکشہ اور ہیوی ٹریفک پر پابندی لگانے کا فیصلہ کیا تھا لیکن بعد میں فیصلہ ایک ماہ کیلئے مؤخر کردیا گیا۔


مزید پڑھیں : شارع فیصل، رکشا اور ہیو ی ٹریفک کی آمد پر پابندی عائد


کراچی کے رکشہ ڈرائیورز کا کہنا ہے کہ صبح ساٹھ سے ستر فیصد سواری شاہراہ فیصل کی ملتی ہے، جو مختلف دفاتر میں کام کیلئے آتے ہیں، ٹریفک پولیس کو فیصلے پر نظر ثانی کرنے چاہیئے۔


مزید پڑھیں :  کراچی: شارع فیصل پر ٹریفک جام کا توڑ نکال لیا


ایک اور رکشہ ڈرائیو نے کہا کہ پابندی لگانے سے بہتر ہے کہ قانون پر عملدرآمد کرایا جائے، شارع فیصل پر رکشہ کی پابندی لگنے سے لاکھوں شہری متاثر ہونگے۔

اس سے قبل ریفک پولیس نے کراچی کی شارع فیصل پر ٹریفک جام کا توڑ نکال لیا تھا اور ریڈ کیپ لگائے شارع فیصل فورس نے کام سنبھال لیا تھا اور ٹریفک روانی سے متعلق نئے پلان میں اہلکاروں کو لفٹر اور دیگرضروری سازو سامان فراہم کیا گیا ہے، جس میں خراب گاڑی کو فوری طور پر سڑک سے ہٹانا، حادثے کی صورت میں تباہ شدہ گاڑی کو راستے کے ایک طرف کرنا فرائض میں شامل ہیں۔

معاشی حب کی اہم شاہراہ پر اسپتالوں سمیت مختلف ممالک کے قونصل خانے اور ایئرپورٹ آنے جانے والے اہم راستے شامل ہیں، جن پر اکثر ٹریفک جام سے شہریوں کو شدید کوفت کا سامنا رہتا ہے۔

Print Friendly, PDF & Email

Comments

comments

یہ بھی پڑھیں