کراچی میں شارع فیصل پر ڈرگ روڈ کے قریب تین گاڑیوں میں تصادم کے نیتجے میں ایک شخص جاں بحق جبکہ متعدد زخمی ہوگئے۔
تفصیلات کے مطابق کراچی میں شارع فیصل پر ڈرگ روڈ کے قریب ٹریفک حادثہ پیش آیا ہے، پولیس کا کہنا ہے کہ حادثے میں ایک شخص جاں بحق اور ٹریفک اہلکار سمیت دو افراد زخمی ہوئے۔
پولیس کا کہنا ہے کہ تصادم واٹر ٹینکر، کار اور پک اپ میں ہوا جبکہ موٹر سائیکل بھی زد میں آئی ہے۔
گزشتہ روز بھی کراچی میں شارع فیصل نرسری پل کے قریب تیز رفتار کار بے قابو ہو کر دوسری گاڑی سے ٹکرا گئی تھی، جس کے نتیجے میں چار افراد زخمی ہو گئے تھے۔
پولیس حکام کے مطابق حادثے کا سبب بننے والی کار کھمبے سے ٹکرانے کے بعد دوسرے ٹریک پر آگئی اور سامنے سے آنے والی کار سے ٹکرائی جبکہ ایک کار میں صرف ڈرائیور سوار تھا جبکہ دوسری کار میں ڈرائیور سمیت تین افراد سوار تھے جو حج پرواز کے لیے ایئرپورٹ جا رہے تھے۔
