کراچی میں جوتے کی خریداری پر پلاسٹک بیگ کے اضافی پیسے وصول کرنے پر شہری نے کمپنی کی شکایت کردی۔
اے آر وائی نیوز کے مطابق سندھ حکومت نے وزیراعظم پورٹل پر شہری کی شکایت پر شوز کمپنی کو نوٹس جاری کردیا، شہری نے کہا کہ جوتوں کا ایک جوڑا خریدا تھا، شاپنگ بیگ کے 30 روپے اضافی وصول کیے گئے۔
اسسٹنٹ ڈائریکٹر بیورو آف سپلائی پرائسز میر شاہنواز نے کنزیومر پروٹیکشن کورٹ میں شکایت جمع کروادی۔
اسسٹنٹ ڈائریکٹر نے بتایا کہ ابتدائی طور پر شکایت وزیراعظم ڈیلیوری یونٹ، سٹیزن پورٹل پر درج ہوئی، شکایت پر متعلقہ برانچ کو نوٹس جاری کیے مگر جواب نہیں آیا۔
انہوں نے کہا کہ نوٹس کا جواب نہ دینے پر کنزیومر پروٹیکشن کورٹ میں شکایع جمع کروائی۔
میر شاہنواز کا بتانا ہے کہ کنزیومر پروٹیکشن کورٹ ساؤتھ میں کیس کا آغاز 6 مارچ بروز جمعرات کو ہوگا۔
