کراچی سمیت سندھ بھر میں 24 گھنٹے کےلیے سی این جی اسٹیشنز کی بندش کا فیصلہ گیا ہے، اطلاق اتوار کی صبح سے ہوگا۔
اے آر وائی کے مطابق کراچی سمیت پورے صوبے کے تمام سی این جی اسٹیشنز کی بندش کے حوالے سے نیا شیڈول جاری کر دیا گیا ہے، ایس ایس جی سی کا کہنا ہے کہ سی این جی اتوار 21 جولائی صبح 8 بجے سے پیر 22 جولائی صبح 8 بجے تک بند رہے گی۔
ایس ایس جی سی حکام نے بتایا کہ سندھ بھر میں سی این جی کی بندش کے دوران تمام کیپٹو پاور کو بھی گیس سپلائی معطل رہے گی۔
نئے شیڈول کے مطابق تمام سی این جی اسٹیشنز کل اتوار 21 جولائی صبح 8 بجے سے پیر 22 جولائی تک 24 گھنٹے کیلیے بند رہیں گے۔
خیال رہے کہ اپریل کے وسط میں ایف بی آر نے سی این جی کی فی کلو قیمت میں 11 روپے 70 پیسے سیلز ٹیکس میں اضافہ کیا تھا۔
ایف بی آر نے 200 روپے فی کلو کی بنیاد پر 18 فیصد سیلز ٹیکس عائد کیا تھا، فی کلو پر 36 روپے کے حساب سے سیلز ٹیکس عائد کیا گیا، اس سے قبل فی کلو پر 24 روپے 30 پیسے سیلز ٹیکس لاگو تھا۔
