کراچی میں اہلسنت والجماعت کی جانب سے بھی کئی مقامات پر دھرنا شروع کردیا گیا ہے، تقریباً 10 مقامات پر احتجاجی دھرنا دیا جارہا ہے۔
اے آر وائی نیوز کے مطابق شہرقائد میں اہلسنت والجماعت نے بھی مختلف مقامات پر دھرنے کا آغاز کردیا ہے، لسبیلہ چوک، اسلام چوک اورنگی، ناگن چورنگی پر دھرنا دیا جارہا ہے جس کی وجہ سے ٹریفک کی روانی متاثر ہورہی ہے۔
کورنگی 5، ملیر مرغی خانہ، شیر شاہ، موسمیات صفورا گوٹھ کے قریب بھی دھرنا دیا جارہا ہے، اس کے علاوہ بلوچ کالونی پل کے نیچے بھی دھرنا دیا جارہا ہے جبکہ شارع فیصل کا ایک ٹریک بند ہے۔
دریں اثنا کراچی کے علاقے نمائش چورنگی پر ایم ڈبلیو ایم کے مظاہرین کو منتشر کرنے کے لیے پولیس نے شیلنگ شروع کردی۔
کراچی کے علاقے نمائش چورنگی پر ایم ڈبلیو ایم کا دھرنا ختم کروانے کے لیے پولیس نے شیلنگ کی جس کے جواب میں مظاہرین نے پتھراؤ کیا اور کئی موٹر سائیکل کو آگ لگادی۔
کراچی: ایک اور مذہبی جماعت کا کل 60 مقامات پر دھرنے دینے کا اعلان
نمائش چورنگی پر پولیس نے کئی افراد کو حراست میں لے لیا، مظاہرین کے پتھراؤ سے کئی پولیس اہلکار اور ایس ایس یو کمانڈو شدید زخمی ہوگئے۔
