کراچی : ایڈیشنل آئی جی غلام نبی میمن کا کہنا ہے کہ تفتیشی افسران نے سائٹ اے تھانے کی حدود میں ہونیوالے پولیس مقابلے کی رپورٹ تیار کرلی، ابتک کے شواہد کے مطابق سلطان نذیرقصور وار نہیں لگتا۔
تفصیلات کے مطابق سائٹ اے تھانے کی حدودمیں ہونیوالا پولیس مقابلہ جعلی نکلا، ایڈیشنل آئی جی غلام نبی میمن نے کہا ہے کہ تفتیشی افسران نے رپورٹ تیار کرلی، ابتک کےشواہدکےمطابق سلطان نذیرقصوروارنہیں لگتا۔
ایڈیشنل آئی جی کا کہنا تھا کہسی سی ٹی وی فوٹیجز اور دیگر شواہد کا مشاہدہ کیا گیا، لگتا ہے جیسے سلطان نذیر کو وہاں سے گزرتے ہوئے گولی لگی، سلطان نذیر ملزم نہیں تھا۔
غلام نبی میمن نے کہا کہ لگتا ہے پولیس اہلکار فائرنگ کرنے میں غلطی کرگئے، تحقیقاتی ٹیم رپورٹ میرےپاس ابھی نہیں پہنچی، شواہدکی بنیاد پریہ کہہ سکتا ہوں سلطان نذیر راہگیر تھا۔
یاد رہے کراچی کے علاقے سائٹ ایریا حبیب چورنگی کے قریب مبینہ پولیس مقابلے میں نوجوان ہلاک ہوگیا تھا، مقتول سلطان نذیر کے اہلخانہ نے مقابلے کو جعلی قرار دیا ہے، لواحقین کے احتجاج کے دوران ایس ایچ او سائٹ اے محمد ایاز تھانے سے فرار ہوگئے۔
بعد ازاں سائٹ اے تھانے کی حدود میں مبینہ جعلی مقابلے میں نوجوان کی ہلاکت کا مقدمہ تھانہ سائٹ اےمیں درج کرلیا گیا، مقدمہ جاں بحق نوجوان کےکزن سلیم اللہ کی مدعیت میں درج کیاگیا ، مقدمےمیں اختیارات کاناجائزاستعمال،غفلت،قتل کی دفعات شامل کی گئی۔
