کراچی : سوتیلے باپ نے 8 سالہ بیٹی پر پر پیٹرول چھڑک کر آگ لگادی، پولیس نے خاتون کی مدعیت میں شوہر کے خلاف مقدمہ درج کرلیا ہے۔
تفصیلات کے مطابق کراچی کے علاقے لانڈھی 36B میں 8 سال کی بچی پر پیٹرول چھڑک کر آگ لگادی۔
واقعے کا مقدمہ مقدمہ درج کرلیا گیا ، ایس ایس پی کورنگی حسن سردار نے کہا کہ سوتیلے باپ نے 16فروری کو بچی پر پیٹرول چھڑک کر آگ لگائی ، 8سالہ بچی کا 25فیصد سےزائدجسم آگ سےجھلس گیا تھا۔
حسن سردار کا کہنا تھا کہ بچی کی والدہ نے شوہر کےخوف کی وجہ سے پولیس سے معاملےکو چھپایا،بچی کی والدہ کبھی سول اسپتال تو کبھی انڈس اسپتال سے علاج کراتی رہی۔
خاتون مدعی نے بتایا کہ سابقہ شوہر امجد سے میری ایک 8 سالہ بیٹی ہے جو میرے ساتھ رہتی ہے، 16 فروری کو بیٹی ٹیوشن سے گھر آئی تو شوہر طارق نے بیٹی کو مارناپیٹنا شروع کردیا، بچی کو بچانے لگی تو شوہر نے غصے میں مجھے بھی مارا ،بیٹی پر پیٹرول چھڑک کر آگ لگادی ، مشکل سے بچی کو علاج کرایا اب شوہر مارنے کی دھمکیاں دے رہا ہے۔
ایس ایس پی کورنگی نے کہا کہ لانڈھی پولیس نے خاتون کی مدعیت میں شوہر کے خلاف مقدمہ درج کرلیا، فرار ملزم طارق کی تلاش جاری ہے جسے جلد گرفتار کرلیا جائےگا۔
