ڈاکوؤں کی گھر میں گھسنے کی کوشش اہلخانہ نے ناکام بنادی، شہریوں نے اغوا کار پکڑلیا -
The news is by your side.

Advertisement

ڈاکوؤں کی گھر میں گھسنے کی کوشش اہلخانہ نے ناکام بنادی، شہریوں نے اغوا کار پکڑلیا

کراچی : نصرت بھٹو کالونی میں ڈاکوؤں نے گھر میں گھسنے کی کوشش کی، اہلخانہ کی مزاحمت پر ڈاکو فرار ہوگئے، لیاقت آباد میں شہریوں نے مبینہ اغوا کار کو پکڑ کر پولیس کے حوالے کردیا۔

تفصیلات کے مطابق شہر قائد میں لٹیرے آزاد اور محافظ غائب ہوگئے، شہری اپنا دفاع خود کرنے لگے، لٹیرے اسٹریٹ کرائم کے بعد گھروں میں بھی نقب لگانے لگے۔

نصرت بھٹو کالونی کی ایک گلی میں خاتون سمیت تین ڈاکوؤں نے پولیو ٹیم کے بہانے سے گھر کا دروازہ کھلوایا اور اندر گھسنے کی کوشش کی، گھر کے اندر سے مزاحمت کی گئی اور ڈاکوؤں کو گھسنےنہیں دیا گیا جس پر وہ فرار ہوگئے۔

سی سی ٹی وی فوٹیج میں ڈاکوؤں کے چہرے واضح طور پر نظر آنے کے باوجود ملزمان پولیس کی پہنچ سے دور ہیں، ذرائع کے مطابق ڈکیت گینگ میں دو خواتین اور چار مرد شامل ہیں، ملزمان واردات کیلئے سفید ہائی روف کا استعمال کرتے ہیں۔

دوسری جانب گزشتہ رات لیاقت آباد میں شہریوں نے دس سال کے بچے کے اغواء کی کوشش ناکام بنادی۔ بچے کے شور مچانے پر شہریوں نے ملزم کو پکڑ کر تشدد کا نشانہ بنایا اور پولیس کے حوالے کردیا۔

Comments

comments

یہ بھی پڑھیں