The news is by your side.

Advertisement

’گزشتہ ہفتے شاہ رخ دلہا بنا آج کفن پہنا دیا گیا‘

کراچی کے علاقے کشمیر روڈ پر گزشتہ روز شاہ رخ نامی نوجوان کو ڈکیتی مزاحمت پر ماں اور بہن کے سامنے قتل کردیا گیا۔

اے آر وائی نیوز کے مطابق کراچی کے علاقے کشمیر روڈ میں گزشتہ روز شاہ رخ نے گھر کی دہلیز پر ڈاکو کو ماں کے زیورات چھینتے دیکھا تو وہ ڈاکو پر لپکا جس پر ڈاکو نے فائرنگ کردی جس کے نتیجے میں وہ جاں بحق ہوگیا۔

مقتول کی ایک ہفتے قبل ہی شادی ہوئی تھی، شاہ رخ ایک ہفتے قبل دلہا بنا اور ڈاکو نے اسے کفن پہنا دیا، شاہ رخ کو طارق روڈ سے متصل قبرستان میں آہوں اور سسکیوں میں سپرد خاک کردیا گیا۔

شاہ رخ کے بھائی نے بتایا کہ فائرنگ سے شاہ رخ زخمی ہوا تو کسی نے اسپتال پہنچانے میں مدد نہیں کی۔

بھائی نے بتایا کہ شاہ رخ کی کسی سے دشمنی نہیں تھی ہنستا کھیلتا میرا بھائی دنیا سے چلا گیا، گارڈ بھی یہاں بیٹھا لیکن تماشہ دیکھتا رہا۔

کراچی میں ڈکیتی مزاحمت پر ماں کے سامنے بیٹا قتل

اہلخانہ نے بتایا کہ شاہ رخ 7 بہن بھائیوں میں سب سے چھوٹا تھا اور گھر والوں کا لاڈلہ تھا، کزن نے بتایا کہ وہ دوستوں کا دوست اور ملنسار تھا۔

واضح رہے کہ گزشتہ روز سے اب تک کراچی میں ڈکیتی مزاحمت پر 5 نوجوانوں کو موت کے گھاٹ اتار دیا گیا، پولیس نے ٹیمیں تشکیل دے دیں لیکن کسی بھی ڈاکو کو گرفتار نہ کیا جاسکا۔

Comments

یہ بھی پڑھیں