The news is by your side.

Advertisement

سال2021 : کراچی میں کتنی وارداتیں کہاں ہوئیں رپورٹ جاری

کراچی : شہر قائد میں گزشتہ سال2021 میں مجموعی طور پر کس علاقے میں کتنی وارداتیں ہوئیں، تفصیلات اے آر وائی نیوز نے حاصل کرلیں۔

اس حوالے سے ذرائع کا کہنا ہے کہ کورنگی صنعتی ایریا میں اسٹریٹ کرائم کے تمام ریکارڈ ٹوٹ گئے،کورنگی صنعتی ایریا میں 3355شہری موبائل فون، موٹر سائیکلوں اور گاڑیوں سے محروم ہوئے۔

رپورٹ کے مطابق کورنگی کے علاقے زمان ٹاؤن میں3200شہریوں سے موبائل فون، گاڑیاں، رقوم اور قیمتی سامان اسلحہ کے زور پرچھین لیا گیا۔

اس کے علاوہ سپر ہائی وے کے اطراف 2100سے زائد شہری رہزنوں اور ڈاکوؤں کے ہاتھوں لٹ گئے جبکہ سرجانی ٹاؤن میں 1900شہریوں کو اسلحہ کے زور پر لوٹا گیا۔

کراچی کے علاقے عوامی کالونی میں دو ہزار سے زائد افراد کے ساتھ لوٹ مار کی وارداتیں ہوئیں، خواجہ اجمیر نگری میں1850 شہریوں کو اسلحے کے زور پر موبائل فون اور نقدی سے محروم کیا گیا۔

رپورٹ کے مطابق تیموریہ کےعلاقے میں 1800شہری اسٹریٹ کرائم کی وارداتوں کا نشانہ بنے جبکہ گلشن اقبال میں 1500 اور شارع فیصل پر بھی 1550شہریوں کو لوٹا گیا۔

رپورٹ میں مزید بتایا گیا ہے کہ کراچی کے سی ویو ساحل کے تھانے کی حدود میں اسٹریٹ کرائم کی سب سے کم وارداتیں ہوئیں، یہاں گزشتہ سال صرف50لوگوں کے ساتھ لوٹ مار کی وارداتیں کی گئیں۔

Comments

یہ بھی پڑھیں