The news is by your side.

Advertisement

کراچی: 250 سے زائد اسٹریٹ کرائم وارداتیں کرنے والا ملزم گرفتار

کراچی: سندھ رینجرز نے شہر قائد کے علاقے بن قاسم ٹاؤن سے اسٹریٹ کرائم کی 250 وارداتیں کرنے والے ملزم کو گرفتار کرلیا۔

اے آر وائی نیوز کے مطابق کراچی کے علاقے بن قاسم ٹاؤن میں سندھ پولیس اور رینجرز نے مشترکہ کارروائی کی، جس کے نتیجے میں اسٹریٹ کرائم اور ڈکیتی کی وارداتوں میں ملوث ملزم کو گرفتار کیا گیا۔

رینجرز ترجمان کے مطابق گرفتار ہونے والے ملزم کی شناخت صالح کے نام سے ہوئی، جس کے قبضے سے اسلحہ، موٹر سئایکل اور چھینے ہوئے موبائل فونز برآمد ہوئے ہیں۔

ترجمان رینجرز کے مطابق  ملزم نے تفتیش کے دوران بن قاسم ٹاؤن، گھگر پھاٹک اور دیگر علاقوں میں وارداتوں کا اعتراف کیا اور بتایا کہ وہ 250 سے زائد وارداتیں کرچکا ہے۔ رینجرز حکام کے مطابق ملزم 250 سے زائد وارداتوں میں 70لاکھ روپے، 12سو سے زائد موبائل فونز چھین چکا ہے۔

رینجرز ترجمان کا کہنا ہے کہ ’ملزم نے بھینس کالونی میں واقع دودھ کی دکان میں تیس لاکھ روپے کی ڈکیتی ماری تھی‘۔ دورانِ تفتیش صالح نے اپنے دیگر ساتھیوں کے نام بھی بتائے، جن کی گرفتاری کے لیے پولیس اور رینجرز چھاپے مار رہی ہے۔

Comments

یہ بھی پڑھیں