کراچی: سرجانی ٹاؤن میں عمارت گرنے سے متعلق انکشاف ہوا ہے کہ اس کا چوتھا فلور غیر قانونی طور پر تعمیر کیا جا رہا تھا۔
اے آروائی نیوز براہِ راست دیکھیں live.arynews.tv پر
تفصیلات کے مطابق کراچی کے علاقے سرجانی ٹاؤن میں گرنے والی زیر تعمیر عمارت کے حوالے سے اے آر وائی نے تفصیلات حاصل کر لی۔
ذرائع کا کہنا ہے کہ سرجانی بلڈنگ نہ صرف ناقص میٹریل پر تعمیر کی جا رہی تھی، بلکہ کمزور بنیادوں پر اضافی فلور بھی ڈالا جا رہا تھا۔
ذرائع کے مطابق زیر تعمیر عمارت کا ایک بلڈر شعیب دبئی گیا ہوا ہے، جب کہ دوسرے پارٹنر کی تلاش میں پولیس چھاپے مار رہی ہے۔
کراچی: سرجانی ٹاؤن میں زیر تعمیر عمارت گرنے سے مزدور جاں بحق، 10 زخمی
سندھ بلڈنگ کنٹرول اتھارٹی کے ذرائع نے بتایا ہے کہ زیر تعمیر بلڈنگ کے نقشے کے مطابق گراؤنڈ پلس تھری فلور کی اجازت ہے، لیکن عمارت میں چوتھا فلور غیر قانونی طور پر تعمیر کیا جا رہا تھا۔
واضح رہے کہ آج علی الصبح سرجانی ٹاؤن سیکٹر فور ڈی میں ایک زیر تعمیر 4 منزلہ عمارت گرنے سے ایک مزدور جاں بحق، جب کہ 10 زخمی ہو گئے ہیں۔
